2020 жылғы 1 қаңтарға жұмыс істеп тұрған шағын және орта кәсіпкерлік субъектілер саны 50239 бірлікті құрады, оның ішінде заңды тұлғалар - 8177, дара кәсіпкерлер - 39001 және шаруа қожалықтары - 3061. Өткен жылғы сәйкес кезең мәліметтерімен салыстырғанда жұмыс істеп тұрған субъектілер саны 0,6% көбейді.

Жұмыс істеп тұрған дара кәсіпкерлердің ең көп саны Атырау қаласында (69,9% жалпы санынан), Жылыой (12,5%) және Құрманғазы (3,7%)  аудандарында шоғырланған. Жұмыс істеп тұрған шаруа (фермер) қожалықтарының едәуір саны Атырау қаласында (18%), Құрманғазы (20,7%), және Махамбет (15,8%) аудандарында белгіленген.

Шағын және орта кәсіпкерліктегі жұмыс істеп тұрған субъектілерінің едәуір саны көтерме және бөлшек сауда, көлік және мотоцикл жөндеуде  31,3%  тіркелді. 

Экономикалық қызмет түрлері бойынша жұмыс істеп тұрған  ШОК субьектілерінің құрылымы 

пайызбен

2020 жылғы қаңтар-қыркүйекте шағын және орта кәсіпкерлік субъектілерімен өнім шығарылымы 1608,3 млрд. теңгені құрады. Өткен жылғы сәйкес кезеңімен салыстырғанда өнім шығарылымы  (салыстырмалы бағаларда) 29,4% азайды.

ШОК-та жұмыспен белсенді қамтылғандар саны 2020 жылғы 1 қазанға 126,7 мың адамды құрады, оның ішінде шағын және орта кәсіпкерлік кәсіпорындарында жұмыспен қамтылғандар саны– 61,6 мың адам (48,6%), дара кәсіпкерлікте – 60,7 мың адам (47,9%), шаруа (фермер)   қожалықтарында – 4,4 мың адам (3,5%). 

www.stat.gov.kz / Өңірлер/ Атырау облысы /Жаңалықтар 

© Қазақстан Республикасының Стратегиялық жоспарлау және реформалар агенттігі

Ұлттық статистика бюросының Атырау облысы бойынша департаменті