2020 жылғы қаңтар-желтоқсанда тұрғын үй құрылысына 50 млрд. теңге инвестиция жұмсалды, бұл өткен жылғы сәйкес кезеңмен салыстырғанда 31,4% кем. Барлық меншік нысанындағы кәсіпорындар мен ұйымдар және тұрғындар жалпы ауданы 836,5 мың шаршы метр 5984 жаңа пәтер салды, ол 2019 жылғы қаңтар-желтоқсаннан 10,4%  кем.  

Пайдалануға берілген тұрғын үйлердің

жалпы ауданының нақты көлем индексі

өткен жылғы тиісті айға пайызбен

2020 жылғы қаңтар-желтоқсанда облыстың төрт ауданында тұрғын үйдің көлемі  2019 жылғы қаңтар-желтоқсандағы деңгейден жоғары: Мақат (47%), Индер (6%), Қызылқоға (2,6%) және Құрманғазы (1,1%).  Салынған тұрғын үй көлемінің төмендеуі  Атырау қ.ә. (4,1%),  Махамбет (46,1%), Жылыой (36,9%) және Исатай (14,7%) аудандарында байқалды.

Облыста іске қосылған тұрғын үй көлемінде Атырау қ.ә. (75,2%), Жылыой (10,4%)  және Индер (4,1%)   аудандары қомақты үлес салмағына ие.

Облыстағы тұрғын үй құрылысының негізгі қаржыландыру көзін құраған салушылардың меншікті қаражаты болды,  іске қосылған тұрғын үйдің  жалпы көлемінің едәуір бөлігін (57,5%) халық игеріп  отыр.

Тұрғын үй құрылысының құны. 2020 жылғы қаңтар-желтоқсанда көппәтерлі  тұрғын үйлердің жалпы ауданының  шаршы метрінің орташа құны 139,1 мың теңге және халық салған тұрғын үйдің  шаршы метрі 49,8  мың теңге болды.

www.stat.gov.kz/Өңірлер/ Атырау облысы/Жаңалықтар 

 © Қазақстан Республикасының Стратегиялық жоспарлау және реформалар агенттігі

Ұлттық статистика бюросының Атырау облысы бойынша департаменті