2020 жылғы қаңтар-желтоқсанда негізгі капиталға салынған инвестициялар  3330,8 млрд. теңге болды, ол жалпы республика көлемінде 26,9% құрап, 2019 жылдың қаңтар-желтоқсанымен салыстырғанда 24,3% кеміді.

Негізгі капиталға салынған инвестициялар

өткен жылғы тиісті айға пайызбен

2020 жылғы қаңтар-желтоқсанда инвестицияның өсуі  2019 жылғы сәйкес кезеңмен салыстырғанда Атырау қ.ә.  және  облыстың екі ауданында байқалды. Өсім Атырау қ.ә. (29,9%), Индер (2,2 есе)  және Қызылқоға (31,2%) аудандарында орын алды. Инвестицияның төмендеуі Мақат (59,9%),  Исатай (35,6%), Құрманғазы (31,5%), Жылыой (30,6%) және Махамбет (4,8%) аудандарында байқалды.

Негізгі капиталға салынған инвестициялардың негізгі қызмет көлемін жеке меншік нысанындағы кәсіпорындар мен ұйымдар (93,5%) және облыс аумағында қызмет атқаратын басқа да мемлекеттердің шаруашылық жүргізуші субъектілері  (3,1%) игерді. Мемлекеттік сектор үлесі  3,4% құрады.

Мұнай және табиғи газ өндіру (негізгі капиталға салынған инвестициялардың жалпы көлемінің  81,1%), көлік және қоймалау (3,5%), жылжымайтын мүлікпен жасалатын операциялар (1,6%) басым салалар болып табылады.

www.stat.gov.kz/Өңірлер/ Атырау облысы/Жаңалықтар 

 © Қазақстан Республикасының Стратегиялық жоспарлау және реформалар агенттігі

Ұлттық статистика бюросының Атырау облысы бойынша департаменті