2020 жылғы қаңтар-желтоқсанда Атырау облысының өнеркәсіп кәсіпорындары арқылы 5114 млрд. теңгенің өнімі өндірілді, бұл өткен жылғы салыстырмалы кезең деңгейінен 5,8% кем.

Облыста өнеркәсіп өндірісінің құрылымында қомақты үлесті тау-кен өндіру  өнеркәсібі  және карьерлерді  қазу  иеленіп,  2020  жылғы  қаңтар-желтоқсанда оның  көлемі 4490 млрд. теңгені  құрады. 2020  жылғы қаңтар-желтоқсанда облыста 46746,8 мың тонна мұнай, 24211,8 млн.тк.м. жолай мұнайгаз және 3779 мың тонна күкірт өндірілді.

2020 жылдың қаңтар-желтоқсанында өңдеу өнеркәсібінде 530 млрд. теңгенің өнімі өндірілді. Өндіріс көлемінің төмендеуі кокс және мұнай өңдеу өнімдерін өндіруде (0,6%) байқалды.

2020 жылғы қаңтар-желтоқсанда «Электр энергиясымен, газбен, бумен, ыстық сумен және ауаны кондициялаумен жабдықтау» және «Сумен жабдықтау; қалдықтарды жинау, өңдеу және жою, ластануды жою бойынша қызметі» түріндегі кәсіпорындар арқылы 94 млрд. теңгенің өнімі өндіріліп, өнеркәсіптік сипаттағы қызмет көрсетілді, бұл облыстық өнеркәсіп өндірісі көлемінің 1,8% құрады. 2020 жылдың қаңтар-желтоқсанында кәсіпорындар арқылы    6495,3 млн. кВт электр қуаты, 7454,8 мың Гкал жылу қуаты және 64056,8 мың тк. м ауыз суы өндірілді.

www.stat.gov.kz/Өңірлер/Атырау облысы /Жаңалықтар 

 © Қазақстан Республикасының Стратегиялық жоспарлау және реформалар агенттігі

 Ұлттық статистика бюросының Атырау облысы бойынша департаменті