2020 жылғы қаңтар-қарашада негізгі капиталға салынған инвестициялар  2991,8 млрд. теңге болды, ол жалпы республика көлемінде 28,2% құрап, 2019 жылдың қаңтар-қарашасымен салыстырғанда 23,1% кеміді.

Негізгі капиталға салынған инвестициялар

өткен жылғы тиісті айға пайызбен

2020 жылғы қаңтар-қарашада инвестицияның өсуі  2019 жылғы сәйкес кезеңмен салыстырғанда Атырау қ.ә.  және  облыстың үш ауданында байқалды. Өсім Атырау қ.ә. (62,9%), Қызылқоға (37,5%), Индер (9,8%) және Махамбет (4,9%) аудандарында орын алды. Инвестицияның төмендеуі Мақат (66,2%),  Құрманғазы (55,5%), Исатай (45,5%)  және Жылыой (29,2%) аудандарында байқалды.

Негізгі капиталға салынған инвестициялардың негізгі қызмет көлемін жеке меншік нысанындағы кәсіпорындар мен ұйымдар (94%) және облыс аумағында қызмет атқаратын басқа да мемлекеттердің шаруашылық жүргізуші субъектілері  (3,1%) игерді. Мемлекеттік сектор үлесі  2,9% құрады.

Мұнай және табиғи газ өндіру (негізгі капиталға салынған инвестициялардың жалпы көлемінің  84,6%), көлік және қоймалау (2,7%), жылжымайтын мүлікпен жасалатын операциялар (1,6%) басым салалар болып табылады.     

www.stat.gov.kz/Өңірлер/ Атырау облысы/Жаңалықтар 

 © Қазақстан Республикасының Стратегиялық жоспарлау және реформалар агенттігі

Ұлттық статистика бюросының Атырау облысы бойынша департаменті