2020 жылғы қаңтар-қазанда тұрғын үй құрылысына 34,7 млрд. теңге инвестиция жұмсалды, бұл өткен жылғы сәйкес кезеңмен салыстырғанда 44,7% кем. Барлық меншік нысанындағы кәсіпорындар мен ұйымдар және тұрғындар жалпы ауданы 614,6 мың шаршы метр 4716 жаңа пәтер салды, ол 2019 жылғы қаңтар-қазаннан 11,6%  кем.  

Пайдалануға берілген тұрғын үйлердің

жалпы ауданының нақты көлем индексі

өткен жылғы тиісті айға пайызбен

2020 жылғы қаңтар-қазанда облыстың екі ауданында тұрғын үйдің көлемі  2019 жылғы қаңтар-қазандағы деңгейден жоғары: Мақат – 46,6% және Құрманғазы – 15,5%. Салынған тұрғын үй көлемінің төмендеуі  Атырау қ.ә. (11,1%),  Махамбет (28,7%), Жылыой (20,6%), Исатай (11,8%), Қызылқоға  (8,1%) және Индер (0,9%) аудандарында байқалды.

Облыста іске қосылған тұрғын үй көлемінде Атырау қ.ә. (74,4%), Жылыой (10,7%)  және Индер (4,7%)   аудандары қомақты үлес салмағына ие.

Облыстағы тұрғын үй құрылысының негізгі қаржыландыру көзін құраған салушылардың меншікті қаражаты болды,  іске қосылған тұрғын үйдің  жалпы көлемінің едәуір бөлігін (70,4%) халық игеріп  отыр. 

Тұрғын үй  құрылысының құны. 2020 жылғы қаңтар-қазанда көппәтерлі  тұрғын үйлердің жалпы ауданының  шаршы метрінің орташа құны 115,8 мың теңге және халық салған тұрғын үйдің  шаршы метрі 49,8  мың теңге болды.

www.stat.gov.kz/Өңірлер/ Атырау облысы/Жаңалықтар 

 © Қазақстан Республикасының Стратегиялық жоспарлау және реформалар агенттігі

Ұлттық статистика бюросының Атырау облысы бойынша департаменті