2015 жылғы 29 маусымда Қазақстан Республикасы Президентінің жанындағы Мемлекеттік басқару академиясы мен Қазақстан Республикасы Ұлттық экономика министрлігінің Статистика комитеті арасындағы өзара түсіністік және ынтымақтастық туралы меморандумға қол қойылды.

Қазақстан Республикасы Президентінің жанындағы Мемлекеттік басқару академиясында 2015 жылғы 1 қыркүйектен бастап «Статистика» мамандығы бойынша магистратура ашылды.

2015 жылы Академияға Комитет пен оның аумақтық органдарының 17 қызметкері (орталық аппараттан – 6 адам, аумақтық органдардан – 11 адам) оқуға түсті және оқыды.

2017 жылы Академияға Комитет пен оның аумақтық органдарының 5 қызметкері (орталық аппараттан – 2 адам, аумақтық органдардан – 3 адам) оқуға түсті және оқыды.

2018 - 2019 жылдарда Академияда Комитет пен оның аумақтық органдарының 6 қызметкері (орталық аппараттан – 4 адам, аумақтық органдардан – 2 адам) оқыды.

2020 жылы Академияға Бюроның орталық аппаратының 3 қызметкері оқуға түсті және оқып жатыр.

Қазақстан Республикасы Президентінің жанындағы Мемлекеттік басқару академиясы магистратураның 10 бағдарламасының бірі немесе докторантураның 3 бағдарламасы бойынша бір жылдан астам жұмыс өтілі бар барлық мемлекеттік қызметшілерді грантқа түсуге шақырады.

Академия жыл сайын мемлекеттік басқару және саясат саласындағы отандық және әлемдік трендтер негізінде өзінің білім беру бағдарламаларын өзектендіреді және жетілдіреді. Осылайша, ағымдағы жылы Академия келесі білім беру бағдарламалары бойынша дайындықты жүзеге асырады:

бір жылдық оқу мерзімімен:

«Мемлекеттік менеджмент» – Мaster of Public Management;

«Сыбайлас жемқорлыққа қарсы саясат» – Мaster of Anti-Corruption Policy;

«Халықаралық қатынастар» – Master of International Relations;

 «Адами ресурстарды басқару» – Master of Human Resources Management;

* «Өңірлік даму» – Master of  Regional Development.

екі жылдық оқу мерзімімен:

«Мемлекеттік басқару» – Master of Public Administration;

«Мемлекеттік саясат» – Master of Public Policy;

 «Экономика» – Мaster of Economics;

«Өңірлік даму» – Master of  Regional Development;

* «Өңірлік көшбасшылық» – Master of Regional Leadership.

үш жылдық оқу мерзімімен:

«Мемлекеттік басқару» – Doctor of Public Administration;

«Экономика» – Doctor of Economics;

«Халықаралық қатынастар» – Doctor of International Relations.

* Оқыту қаржыландырудың өзге көздері есебінен жүзеге асырылады.

Академияға оқуға түскен жағдайда білім алушыға жұмыс орнын сақтау, лауазымдық жалақы мөлшерінде стипендия алу, жоғары білікті профессор-оқытушылар құрамынан білім алу, әлемдік деңгейдегі сарапшылармен тағылымдамадан өту мүмкіндігі беріледі.

Оқуға түсу үшін қажетті құжаттар (Құжаттарды қабылдау 2020 жылғы 10 шілдесіне дейін жүзеге асырылады):

- Өтініш

- Жоғары білім туралы құжаттың көшірмесі

- IELTS/TOEFL сертификатының көшірмесі немесе APTIS-ке тіркеу

- Еңбек қызметін растайтын құжат

- 086-У нысанындағы медициналық анықтама

- Мемлекеттік органның жолдамасы

- Үміткердің жазбаша жұмысы:

• Магистратура үшін - мотивациялық эссе, пән бойынша эссе

• Докторантура үшін - эссе, зерттеу жұмысының жоспары (research proposal)

Білім беру бағдарламалары мен қабылдау рәсімі туралы толық ақпаратпен Академияның www.apa.kz сайтында, "Оқуға түсу" бөлімінде танысуға болады.